حقيقة

علاقات الحب الباهتة نقدم عليها اختيارا لنهرب من أخرى تركت ندوباً معقدة

“unknown”

اعتراف يوجع

 

و نحترف الحزن

محاولة رجوع

عندما يتحول ال"تهريج" الي "جد" يصاحبه شعور بالرخص .. يكون الصمت هو المتحدث الوحيد !

^^^^^

اللعنه علي مجتمع يتذكر الفرد فيه العادات و التقاليد للأخر و يصاب بالزهايمر فى حياته !!

^^^^^

بعض الاشخاص علاقتهم بالحرية لا تتعدى جملة "انا حر" لتبرير افعالهم التي في الغالب تعتدى علي حرية الاخر !!

^^^^^^^

ان تحكم علي شخص بانه مخطئ فلابد ان تري بعين مبادئه , عقيدته , تربيته , بيئته ثم ظرف الفعل نفسه .. اما ان تراه بعينك انت و تحكم انه مخطئ و لا يعترف بخطائه فهذا هو الخطأ بعينه !!

(1)

"فايز" داس علي رجل "علي" ... الصورة العامة فعل خطأ لكن لو عملنا zoom in علي الفعل هيبقي في احتمالات :

1-     ان "فايز" داس ف المطلق علي رجل "علي" .. و هنا هيكون غلط و عدم الاعتذار هيكون غلط اكبر " مع احتماليه ان يكون عنده اسباب للفعل تسقط عنه حكم الغلط :)"

2-     انهم بيهرجوا .. و هنا هيبقي اسمه "تهريج تقيل" مش غلط

3-     ان "علي" داس علي رجل "فايز" و هو بيردها ... و هنا هيبقي "لكل فعل رد فعل " مش غلط

4-     انهم بيلعبوا .. و هنا هيبقي "لعب سخيف " مش غلط

5-     ان "فايز" خبط "علي" بدون قصد .. و هنا انه يقول "اسف" عدم تقدير ل"علي" ليس الا  ..... الخ

لو انت حد مش فارق معاك تظلم اللي قصادك و لا لأ .. سيبك من الكلام اللي فوق ده لأنه مش ليك

اما بقي لو كنت من النوع اللي مابيحبش يظلم حد .. يبقي قبل ما تقول صفة بعينها عن شخص ما يبقي لازم تمسك الموقف الواحد و تفسره بالطريقة اللي فوق دي "اللي هي بالمناسبة مختصرة و احتمالية الظلم فيه وارد جدااا " قبل ما تقول الشخص ده "كذا" ..

يبقي ليه بقي تعيش دور القاضي و تضيع وقتك فى تحليل فعل الاخرين مع ان الحياة ابسط من كده !!

^^^^^

انه الامتحان لا بديل له .. فلا راد لقضاء الله الا هو .. فان اختارك للامتحان فكن علي قدر المسؤولية و ابذل قصار جهدك .. و كن علي يقين ان الله لا يضيع اجر المحسنين .

^^^^^

رساله (1)

كل مرة تحاول تحملني ذنب وجعك و تعبك زي ما اتحملت انا نتيجة غلطتك "اللي حاولت حياتي الي جحيم و لخبطة " ببقي عايزة اوصل للشخص اللي طمع فى نصيبك من الاحساس .. جايز اقدر ارجعه و ارتاح !!!

^^^^^

عندما يكون الاختلاف هو المشكلة .. فحلها يكون سهل .. لو اعترف الطرفين بذلك

اما عندما ينكر طرف عن الاخر هذا الاختلاف "الطبيعه البشرية" .. فهي مشكلة بلا حل

^^^^^^

خسارة الاخر صعب لكن من الممكن تعويضها .. اما خسارة النفس فلا شيء يماثلها !!!

^^^^

عش كما انت فلا احد يخاف عليك مثلك !!

بدء الحساب 2

أن تنتظر رأى الآخرين و تهتم به .. و لا تنتظر هذا من أقرب الاشخاص لك ..

احساس بشع .. لكنه اصبح مقبول الان !!!

........

اذا كانت معرفة ما اقول فقط "معرفة للمعرفة" .. فلا داعي لها

.....

ما عدت انتظر ...

.....

مع مرور الوقت اكتشفت انني كنت اتوهم ..

" العشم" كان على اساس وهم صنعته انا ,

اعترف ان هذا الاكتشاف كسر بداخلي شيء مميز و غالي

و لكن يجب انا اتحمل غباء بصيرتي !!!

......

-- انت مش ملاحظة ان فعلا ممكن تكون مافيش حاجة تشغل..

بس اول ما بتظهري انتي بتلاقي مليون حاجة تشغل و انتي تكوني

"مش هقول اقل منهم " بس من ضمنهم

- آه عارفة ..

-- و ساكتة ليه ؟؟

- اعتبرها شوية كرامة ممكن ؟؟ مش هيضر يعني !!!

……….

لابد ان تتخلى عن جزء مهم في حياتك .. اذا اردت الدخول لهذا العالم

و لكل قاعدة شواذ ..

و هذه القاعدة شواذها هم الاغلبية .. تخيل !!!!

.....

اننا نحب نكون مختلفين عن الباقي ده مش عيب ..

لكن الكارثة لما نكون مستعدين اننا نقتل حاجات حلوة فى حياتنا ..

علشان بس مانكوش زي البشر ... !!!

.....

-- مش جايز تكون مش حلوة و انتي اللى بتتوهمي

- مش وقتك خالص على فكرة !!!!!!!

...........

اذا لم تبحث "عني" معي .. فلا تقف في طريق بحثي !!!

....

- هو احنا بنقول ايه ؟

--- و لا حاجة ..

- يعني انا بتكلم كل ده و انت كمان بتتكلم .. و فى الاخر و لا حاجة !!!

--- آه .. و في الاخر و لا حاجة فعلا !!!

.......

-  "المشاركة" لازم تعريف ليها .. لان كده فعلا في حاجة غلط

--- فعلا ؟!!

- فعلا ...

..........

-- انتي الاول كنتي بتسألي و مهتمة .. دلوقتي لأ ليه ؟؟

- لا بسأل دلوقتي !!

-- كلامي واضح "مهتمة" يعني سؤال باهتمام مش سؤال "روتيني" !!

- مش هنكر ان اللى اكتشفته موت حاجة حلوة مع بعض المواقف اتغير شيء جوايا..

بس انا بسأل و مهتمة .

-- آه بس اهتمام " روتيني" من غير روح !!

- هتفرق اذا كان اهتمام بروح و لا حطيطه فى خانة العادة ؟!!

المهم انه بيحصل و ماحدش لاحظ الفرق .. و هو ده المطلوب :)

..

بدء الحساب

بعد الرحيل .. آن لها ان تعترف بعشقها لمفاجأته رغم انها من كارهي المفاجآت

لكن معه كان لها طعم مختلف فى التوقيت .. لا تعلم هل توفيق ام تخطيط

إلا انها دائما كانت تأتي فى الوقت المناسب فتبدل حالها و تبتسم ..

...........

- لازم اقتلها .. لان وجودها يعني النهاية

-- انتي عارفة كويس ان بردو النهاية هتكون لما تتقتل

- انا واثقة .. لكن النهاية من غيرها اسهل بكتير لما تكون بيها

-- مش فاهم ..

........

العطاء الغير مشروط من يفعله لا يراه و من يراه لا يفعله ..

هكذا هي الانسانيات لابد ان تكون غير مرئية لأصحابها و إلا اصبحت مفتعلة و تحولت لرياء

.......

-- بوادر رد الفعل بتقول ان الموضوع مش فارق زي ماكان معاكي

- و من امتي و انا بنتظر رد الفعل يكون زيي من الاخر !!

-- هتخسريها و تخسريكي صدقيني

- عارفة !!!

.............

ان تكون انسان يعني ان تتجنب الدخول فى حالة اللامبالاة ..

ان تدخل حالة اللامبالاة يعني ان تكون انسان لكن آلي بأعضاء بشرية

.......

-- لو وصلتي لها مش هتقدري تعيشي بيها

- ما انا عايشة بيها فعلا

-- مش هنضحك على بعض .. انتي عارفة كويس انه ظاهريا بس

- طب و الناس ليها ايه غير الظاهر !!!!

.......

اذا اردت ان يسلك لومك للأخر الاتجاه الصحيح .. التفت لمرآتك و ابدء

.....

- انت خايف عليها من الموت و لا عليك ؟؟

-- انتي عارفة كويس ان حتي لو هي ماتت انا هفضل

- ايوة .. بس وجود اللاموجود !!

-- انتي معاندة علشان انا عمال اكلمك و مش عايزة تشوفي الحقيقة

- خلاص اسكت و نشوف

-- ماينفعش ..خايف اسكت تشوفي الحقيقة بعد موتها !!

....

دائما يوجد خيار ثالث .. هذه هي المرونة

- على حد علمي –

!!!

عدالة الظلم !!!

أحبته بكل معانى الحب فطعنها بكل أساليب الجراح .. هذا هو الظلم العادل حقاً !!